💥 शब्दसमूहाबद्दल एक शब्द 💥

पुढील वाक्ये लक्षपूर्वक वाचा :

१) तो दुसऱ्या कोणावरही अवलंबून नाही.

२) ते समाजाची खूप सेवा करतात.

            हीच वाक्ये आपण अशीही म्हणू शकतो-

           १) तो स्वावलंबी आहे .

           २) ते समाजसेवक आहेत.

वरील वाक्यातील स्वावलंबी, समाजसेवक , या शब्दांतून अनेक शब्दांचा अर्थ व्यक्त झाला आहे . अशा शब्दांना ' शब्दसमूहाबद्दल एक शब्द असे म्हणतात. अशा प्रकारे आपण अनेकदा शब्दसमूहाबद्दल एक शब्द वापरत असतो. 

चला तर मग अशाच इतर शब्दांची ओळख करून घेऊयात........

  शब्दसमूह                                                                   एक शब्द

१) अपेक्षित नसताना घडलेली गोष्ट                                              - अनपेक्षित

२) अरण्याचा राजा                                                                         - वनराज

३) वानरांचा राजा                                                                           - वानरराज

४) आठ दिवसांचा काळ                                                                 - आठवडा

५) आपल्या लहरी प्रमाणे वागणारा                                              - स्वच्छंदी

६) आंब्यांच्या झाडांची बाग                                                            - आमराई

७) उंचावरून पडणारा पाण्याचा प्रवाह                                           - धबधबा

८) कथा लिहिणारा                                                                        - कथाकार

९) कधीही नाश न पावणारे                                                           - अविनाशी

१०) कमी आयुष्य असलेला                                                           - अल्पायुषी

११) कविता करणारा                                                                      - कवी

१२) कष्ट करून जगणारा                                                              - श्रमजीवी

१३) कार्यक्रम पाहणारा                                                                  - प्रेक्षक

१४) किल्ल्याभोवतीची भिंत                                                           - तट

१५) खूप आयुष्य असलेला                                                             - दीर्घायुषी 

१६) खूप दानधर्म करणारा                                                             - दानशूर

१७) खूप पाऊस पडणे                                                                    - अतिवृष्टी 

१८) गाणे गाणारा                                                                           - गायक

१९) बसण्यासाठी केलेला ओटा                                                      - कट्टा 

२०) घोडे बांधायची जागा                                                               - पागा, तबेला

२१) चार रस्ते एकत्र येतात ती जागा                                              - चौक

२२) चित्रे काढणारा                                                                        - चित्रकार

२३) जन्म झालेले ठिकाण                                                             - जन्मभूमी

२४) जादूचे खेळ करून दाखवणारा                                               - जादुगार

२५) ज्याचा विसर पडणार नाही असा                                            - अविस्मरणीय